A execución e a morte na obra pictórico-ensaística de Castelao. Perspectiva comparada a través das obras Sempre en Galiza y Estampas da Guerra

Resumen

Este artigo trata de aproximar unha análise comparativa interartística entre obras dun mesmo autor; Alfonso Daniel Rodríguez Castelao. Dita comparación estará mediada pola visión filosófica do concepto de «mal» de Hannah Arendt. O traballo atende aos xéneros de literatura, Sempre en Galiza, e pintura, Estampas da guerra. A análise focalizará a súa atención sobre os conceptos de execución e morte no contexto da Guerra Civil de 1936. Ofrecerase unha comparación das diferentes técnicas e dos distintos recursos empregados polo autor en ambos xéneros, ao mesmo tempo que se intentará observar cales son os elementos subxacentes en cada caso. En último lugar, tratarase de determinar
se a totalidade da obra persegue un mesmo obxectivo ou se a finalidade que intenta expresar con cada disciplina pode ter diferentes derivas teleolóxicas.